நன்றி: தாமரை ஜூன் 2010
மறுதலிப்பின்
உறுதியானதொரு பக்கத்தைப்
பத்திரப்படுத்தி வைத்திருக்கிறாய்
அவ்வப்போது சொடுக்குகையில்
அதன் வீரியம்
வரிவரியாய் முதுகுகளில்
மௌன நிராகரிப்புகள்
உடலெங்கும் குருதி கசியச் செய்கையில்
எந்தச் சலனமுமின்றி
வெறிக்கிறாய் சிறு கண்களால்
சிறு முட்களெனச் செருகும்
மறுதலிப்புகளையும்
நிராகரிப்புகளையும்
நகர்த்தி விட்டுப் படியிறங்குகிறேன்.
No comments:
Post a Comment