Tuesday, June 22, 2010

பயணிக்கும் ஆடை

நன்றி : தாமரை ஜூன் 2010


உடலில் செருகப்பட்ட ஊசிகளெடுத்துத்

தைத்துக் கொள்கிறேன்

மௌனத்தாலான ஓர் ஆடையை

சிறு வயது முதல்

என்னுடனே வளர்கிறது அதுவும்

என்னை விட்டு எக்கணமும் பிரியாமல்

உடலோடு ஒட்டியிருக்கிறது

சில நேரம் மூச்சுத் திணறினாலும்

அப்பாதுகாப்பை விரும்புகிறேன்

மரணத்தில் கூடக் கோடித்துணியெனப்

போர்த்தப்பட்டுப் பயணிக்கிறது உடன்.

No comments:

Post a Comment